జమ్మూ కాశ్మీర్‌లో చేతికొచ్చిన యాపిల్ పంటపై వడగళ్ల దెబ్బ, రైతులకు తీవ్ర నష్టం

జమ్మూ కాశ్మీర్‌లో వడగళ్లతో కూడిన భారీ వర్షాల కారణంగా యాపిల్ రైతులు తీవ్ర నష్టపోతున్నారు. పంట చేతికొచ్చే సమయంలో వడగళ్ల వాన పడటంతో యాపిల్ పండ్లు రాలిపోతున్నాయి.

ఈ నష్టంతో ఎగుమతులకు సరిపోయే నాణ్యత లేకుండా పోతోందని రైతులు చెబుతున్నారు. దేశీయ మార్కెట్లో కూడా ఈ పండ్లకు పెద్దగా ధర లభించదని వారు ఆందోళన వ్యక్తం చేస్తున్నారు.

జమ్మూ కాశ్మీర్‌లో పెద్ద సంఖ్యలో యాపిల్ తోటలు ఉన్నాయి. ప్రతి రైతు మెట్రిక్ టన్నుల కొద్దీ యాపిల్ పండిస్తున్నారని రైతులు తెలిపారు. జమ్మూ కాశ్మీర్ వ్యాప్తంగా ప్రతిరోజు వడగళ్ల వానలు పడుతున్నాయి.

వాతావరణం మారినప్పుడు యాపిల్ తోటలకే ఎక్కువ నష్టం జరుగుతోందని రైతులు ఆందోళన చేస్తున్నారు. కేంద్ర, రాష్ట్ర ప్రభుత్వాలు ప్రత్యేక ప్యాకేజీ ప్రకటించాలని వారు డిమాండ్ చేస్తున్నారు.