బోనాలు 2026: బోనం‌తో కోలాటం ఆడుతూ ప్రత్యేక ఆకర్షణగా నిలిచిన జనగాం కళాకారులు

తెలంగాణలో బోనాల పండుగ వేడుకలు ఘనంగా సాగుతున్నాయి. జనగాం జిల్లాకు చెందిన జానపద కళాకారులు ఈ సందర్భంగా సబ్జి మండి ప్రాంతంలో ప్రత్యేక ప్రదర్శన ఇచ్చారు.

నెత్తిపై బోనాలు పెట్టుకుని కోలాటం ఆడడం ఈ ప్రదర్శన ప్రత్యేకత. సాధారణంగా కోలాటం చేసేటప్పుడు నెత్తిపై భారం ఉండదు. కానీ ఈ కళాకారులు మాత్రం బోనాలతో సహా కోలాటం వేస్తూ అందరి దృష్టిని ఆకర్షించారు.

వీరు పాడే పాటల్లో భక్తి భావన, జానపద సంప్రదాయం కనిపించాయి. ఊరేగింపులా సాగిన ఈ కార్యక్రమంలో కళాకారులు తమ కళను ప్రదర్శించారు. ఇలాంటి ప్రదర్శనలు బోనాల పండుగ సందర్భంగా గ్రామీణ ప్రాంతాల్లో కనిపిస్తుంటాయి.