జనసేన సమాచార కమిటీల దరఖాస్తు గడువు ఈ నెల 5 వరకు పొడిగింపు

జనసేన పార్టీ తన సంస్థాగత నిర్మాణంలో భాగంగా పార్లమెంట్ నియోజకవర్గాల వారీగా సమాచార కమిటీల ఏర్పాటుకు దరఖాస్తులు స్వీకరిస్తోంది. పార్టీ శ్రేణుల నుంచి ఈ ప్రక్రియకు దరఖాస్తులు వస్తున్నాయి.

పార్టీ అధ్యక్షుడు పవన్ కళ్యాణ్ ఈ కార్యక్రమాన్ని కేంద్ర కార్యాలయం నుంచి రియల్ టైమ్‌లో పర్యవేక్షిస్తున్నారు. పార్లమెంట్ పరిశీలకులు, పార్టీ శ్రేణుల నుంచి అందిన స్పందన ఆధారంగా దరఖాస్తుల గడువును ఈ నెల 5వ తేదీ వరకు పొడిగించాలని నిర్ణయించినట్లు పార్టీ వర్గాలు తెలిపాయి.

గడువు పొడిగింపు సమాచారాన్ని సంబంధిత పార్లమెంట్ నియోజకవర్గ పరిశీలకులు, కమిటీ సభ్యులు, పార్టీ శ్రేణులకు తెలియజేయాలని కేంద్ర కార్యాలయం సమన్వయకర్తలను ఆదేశించినట్లు సమాచారం.