ఈ నెల 8న నిజామాబాద్‌లో జనసేన కీలక సమావేశం

కామారెడ్డి జిల్లా బాన్సవాడ పట్టణంలో జనసేన పార్టీ సన్నాహక సమావేశం నిర్వహించారు. ఈ సమావేశంలో జనసేన నాయకుడు మిసాల శ్రీనివాస్ పాల్గొన్నారు.

ఆయన మాట్లాడుతూ, ఈ నెల 8వ తేదీన నిజామాబాద్ మహాలక్ష్మి గార్డెన్స్‌లో కీలక సమావేశం జరుగనుందని తెలిపారు. నిజామాబాద్, జహీరాబాద్ పార్లమెంట్ నియోజకవర్గాల ముఖ్య కార్యకర్తలు ఈ సమావేశంలో పాల్గొంటారని చెప్పారు.

జనసేన ప్రధాన కార్యదర్శి రామ తాలూరు, తెలంగాణ రాష్ట్ర ఇన్చార్జి శంకర్ గౌడ్, ఇతర రాష్ట్ర నాయకులు హాజరవుతారని వివరించారు. కార్యకర్తలు పెద్ద సంఖ్యలో పాల్గొని సమావేశాన్ని విజయవంతం చేయాలని పిలుపునిచ్చారు.

పార్టీ బలోపేతం, రాబోయే కార్యాచరణపై కార్యకర్తలకు దిశానిర్దేశం చేశారు. పవన్ కళ్యాణ్ స్థాపించిన జనసేన సామాజిక న్యాయం, కార్యకర్తల హక్కుల ప్రాతిపదికన పనిచేస్తోందన్నారు. తెలంగాణలో బీసీ ముఖ్యమంత్రి కావాలని కోరుకునే మొదటి పార్టీ జనసేన అని ఆయన పేర్కొన్నారు.