జనగామలో మటన్ షాపులపై మున్సిపల్ దాడులు, నాలుగు షాపులు సీజ్, లక్ష జరిమానా

జనగామ జిల్లాలో మటన్ షాపులపై మున్సిపల్ అధికారులు చర్యలు చేపట్టారు. మున్సిపల్ కమిషనర్ రాజశేఖర్ రెడ్డి ఆధ్వర్యంలో జరిగిన తనిఖీల్లో ఓ షాపుకు లక్ష రూపాయల జరిమానా విధించారు. నాలుగు మటన్ షాపులను సీజ్ చేశారు.

ఇళ్ల మధ్యలో మాంసం దుకాణాలు నిర్వహిస్తున్న షాపుల ఓనర్లకు నోటీసులు జారీ చేశారు. నిబంధనలు ఉల్లంఘించి ప్రజలకు ఇబ్బంది కలిగిస్తే కఠిన చర్యలు తీసుకుంటామని అధికారులు హెచ్చరించారు. ప్రజలకు కల్తీ లేని తాజా మాంసం అందించాలని సూచించారు.

తనిఖీ సందర్భంగా కొన్ని మేకల తలలు మాత్రమే లభ్యమయ్యాయి. మృతదేహాలు కనిపించకపోవడంతో యజమానులను హెచ్చరించి లక్ష రూపాయల జరిమానా విధించి మేకలను తిరిగి ఇచ్చారు. మరో 40 మేకలు రావాల్సి ఉందని, వాటిని రైతుల నుంచి తెచ్చుకుంటామని షాపు నిర్వాహకులు తెలిపారు.

ఈ షాపుల నుంచి వ్యర్థాలు డ్రైనేజీ పైపులకు కలుపుతున్నట్లు గుర్తించారు. దీనివల్ల బ్యాక్టీరియా వ్యాప్తి, దుర్వాసన సమస్యతో చుట్టుపక్కల నివాసితులు ఇబ్బందులు పడుతున్నారని, మున్సిపల్ సిబ్బందికి కూడా కష్టంగా ఉందని అధికారులు తెలిపారు. నిబంధనలను పాటించకపోతే పోలీసు కేసులు నమోదు చేస్తామని హెచ్చరించారు.