అమర్నాథ్ మంచు శివలింగం వేగంగా కరిగిపోతోంది, యాత్ర ముందస్తుగా ముగిసే సూచనలు

జమ్మూ కాశ్మీర్ లోని అమర్నాథ్ గుహలో ఏటా సహజంగా ఏర్పడే మంచు శివలింగం ఈసారి వేగంగా కరిగిపోతోంది. ఈ నెల 3వ తేదీన యాత్ర ప్రారంభమైన ఐదు రోజుల్లోనే శివలింగం భారీగా కరిగింది.

వేల మంది భక్తులు ప్రస్తుతం యాత్రలో ఉన్నారు. శివలింగం పూర్తిగా కరిగిపోయే ముందు దర్శనం పొందాలని వారు ఆశిస్తున్నారు.

వాతావరణం అనుకూలిస్తే మంచు శివలింగం పూర్తి స్థాయిలో ఏర్పడే అవకాశం ఉందని నిపుణులు చెబుతున్నారు. సాధారణంగా 12 అడుగుల ఎత్తు వరకు శివలింగం ఏర్పడుతుంది. అయితే ఇటీవలి కాలంలో తరచుగా కరిగిపోతోంది. ఇది వాతావరణ మార్పుల ప్రభావమేనని నిపుణులు భావిస్తున్నారు.

దీంతో చాలా మంది భక్తులకు దర్శనం లభించడం లేదు. యాత్ర త్వరగా ముగిసే అవకాశం కనిపిస్తోంది.