చివరి కోరిక మేరకు జపాన్ మహిళ భర్త అస్థికలను సరయూ నదిలో నిమజ్జనం

ఒక జపాన్ మహిళ తన భర్త చివరి కోరికను నెరవేర్చడానికి భారతదేశం వచ్చింది. ఉత్తరాఖండ్‌లోని భాగేశ్వర్‌ వద్ద సరయూ నదిలో ఆమె ఆయన అస్థికలను కలిపారు.

ఈ అమెరికన్ వ్యక్తి పేరు రాబర్ట్. 2005లో ఓ ఆధ్యాత్మిక కార్యక్రమంలో జపాన్‌కు చెందిన ఇంగ్లీష్ ప్రొఫెసర్ మియాకోను కలిశారు. ఆ పరిచయం పెళ్లికి దారితీసింది.

2007లో రాబర్ట్ భారతదేశానికి వచ్చారు. భాగేశ్వర్‌ సందర్శించారు. అక్కడి ప్రకృతి అందాలు ఆయన మనసును ఎంతగానో ఆకట్టుకున్నాయి. ఆ రోజు నుంచి భారత్‌తో ఆయనకు ఒక ప్రత్యేకమైన బంధం ఏర్పడింది.

ఆ తర్వాత వీరు జపాన్‌లో స్థిరపడ్డారు. 2022లో తీవ్రమైన అనారోగ్యంతో రాబర్ట్ మరణించారు. చనిపోయే ముందు, తన అస్థికలను భారతదేశంలోని పవిత్ర సరయూ నదిలో కలపాలని భార్యకు చివరి కోరికగా చెప్పారు.

భర్త మరణం కలిగించిన బాధలో ఉన్నా, ఆయన కోరికను మియాకో మర్చిపోలేదు. జపాన్ నుంచి అస్థికలను తీసుకుని నేరుగా ఉత్తరాఖండ్ చేరుకుంది. భాగేశ్వర్ వద్ద సరయూ నదిలో రాబర్ట్ అస్థికలను నిమజ్జనం చేశారు.