గ్రామీణ విద్యార్థుల్లో సివిల్‌ సర్వీసెస్‌ ఆకాంక్షలు పెంచేందుకు LeadIAS జూనియర్‌ కార్యక్రమం ప్రారంభం

మాజీ ఐపీఎస్ అధికారి జేడీ లక్ష్మీ నారాయణ ‘LeadIAS Junior’ అనే కొత్త కార్యక్రమాన్ని ఆవిష్కరించారు. ఈ కార్యక్రమం ద్వారా ప్రతి తెలుగు గ్రామం నుంచి ఒక ఐఏఎస్ లేదా ఐపీఎస్ అధికారిని తయారు చేయడమే లక్ష్యం.

విద్యార్థులు చిన్నతనం నుంచే సివిల్ సర్వీసెస్ పరీక్షలకు సన్నద్ధమయ్యేలా దీని నిర్మాణం జరిగింది. సాధారణ పాఠశాల చదువులకు అంతరాయం లేకుండా వారానికి రెండు తరగతులు మాత్రమే నిర్వహిస్తారు.

ప్రతీ నెలా లక్ష్మీ నారాయణ స్వయంగా విద్యార్థులకు వ్యక్తిత్వ వికాసంపై మార్గదర్శనం చేస్తారు. ప్రతి జిల్లా నుంచి 100 మంది విద్యార్థులను ఎంపిక చేయనున్న ఈ కార్యక్రమానికి నమోదు ప్రారంభమైందని ఆయన తెలిపారు.