జార్ఖండ్లో కులాంతర వివాహం చేసుకున్న కుమార్తెకు తల్లిదండ్రులు పిండప్రదానం

జార్ఖండ్లోని హజారీబాగ్ జిల్లా పాండేబారా గ్రామంలో తల్లిదండ్రులు తమ 18 ఏళ్ల కుమార్తెకు పిండప్రదానం చేశారు. ఆమె ప్రేమించి కులాంతర వివాహం చేసుకున్నందుకు ఈ నిర్ణయం తీసుకున్నారు.

కేమన్ ప్రసాద్ కుమార్తె నెల క్రితం అదృశ్యమైంది. కుటుంబ సభ్యులు ఆమె కోసం వెతికారు. పోలీసులు గాలింపు చేపట్టగా, ఆమె ఆంధ్రప్రదేశ్లో ఉన్నట్లు గుర్తించారు.

పోలీసులు యువతిని, ఆమెతో ఉన్న పవన్ సావ్ అనే యువకుడిని స్వగ్రామానికి తీసుకెళ్లారు. కుటుంబ సభ్యులు ఆ యువకుడితో పెళ్లి వద్దని నచ్చజెప్పే ప్రయత్నం చేశారు. అయితే యువతి ఆ యువకుడితోనే ఉంటానని స్పష్టం చేసింది.

దీంతో తండ్రి ఆమె తమకు చనిపోయినట్లేనని నిర్ణయించారు. కుటుంబం మొత్తం స్మశానానికి వెళ్లి కుమార్తె ఫోటో పెట్టారు. గుండు గీయించుకుని శాస్త్రోక్తంగా కర్మకాండలు నిర్వహించి పిండప్రదానం పూర్తి చేశారు. ఈ ఘటన స్థానికంగా కలకలం రేపింది.