తిరుమలలో కేంద్ర మంత్రి జితన్ రామ్ మాంఝీ – TTD నిర్వహణపై ప్రశంసలు

కేంద్ర మంత్రి జితన్ రామ్ మాంఝీ తిరుమల శ్రీ వేంకటేశ్వర స్వామిని దర్శించుకున్నారు. ఆయనతో పాటు రాష్ట్ర మంత్రి కొండపల్లి శ్రీనివాస్ కూడా ఉన్నారు.

మూలవిరాట్ దర్శనం తర్వాత పండితులు ఆశీర్వచనం చేయగా, స్వామి వారి తీర్థ ప్రసాదాలు అందుకున్నారు.

ఈ సందర్భంగా మాంఝీ మాట్లాడుతూ, తిరుమల క్షేత్రం స్వర్గాన్ని తలపిస్తోందని, TTD నిర్వహణ అద్భుతంగా ఉందని ప్రశంసించారు. ఇక్కడ కుల, మత, ప్రాంతీయ భేదాలు లేకుండా అందరినీ సమానంగా చూస్తున్నారని, ఈ ప్రాంతం తనకు స్వర్గంలా అనిపించిందని చెప్పారు.

రాష్ట్ర మంత్రి కొండపల్లి శ్రీనివాస్ మాట్లాడుతూ, మాంఝీ గారి లీడర్షిప్ దేశానికి గర్వకారణమని, ఆయన తిరుమల రావడం తమ అదృష్టంగా భావిస్తున్నామని అన్నారు.