రామగుండం ఫర్టిలైజర్ ప్లాంట్‌లో సాంకేతిక లోపం; 10 రోజులు యూరియా ఉత్పత్తి నిలిచిపోతుంది

రామగుండం ఫర్టిలైజర్ కర్మాగారంలో సాంకేతిక లోపం కారణంగా యూరియా ఉత్పత్తి తాత్కాలికంగా నిలిచిపోయింది. ఈ విరామం 10 రోజుల పాటు కొనసాగుతుందని అంచనా.

వానాకాలం సాగు సమయంలో ఈ అంతరాయం ఏర్పడటంతో రైతులకు యూరియా కొరత ఏర్పడే అవకాశం ఉంది. గతేడాది కూడా ఇలాంటి సమస్యతో 100 రోజుల పాటు ఉత్పత్తి నిలిచిపోయింది.

పదేపదే సాంకేతిక లోపాలు తలెత్తడంపై రైతులు ఆందోళన వ్యక్తం చేస్తున్నారు. మరమ్మతులు త్వరగా పూర్తి చేసి యూరియా సరఫరా పునరుద్ధరించాలని డిమాండ్ చేస్తున్నారు.

ఈ విషయంపై అధికారులు ఇప్పటివరకు స్పందించలేదు. రామగుండం కర్మాగారం నుంచి రాష్ట్రంలోని వివిధ జిల్లాలకు యూరియా సరఫరా అవుతుంది.