రాజకీయ ఎంట్రీ వదంతులపై జూనియర్ ఎన్టీఆర్ ఆఫీస్ క్లారిటీ: ఆర్ఏఏ ఎన్టీఆర్ గ్రూప్‌తో సంబంధం లేదు

జూనియర్ ఎన్టీఆర్ రాజకీయ రంగ ప్రవేశం చేస్తారని వస్తున్న వదంతులపై ఆయన కార్యాలయం వివరణ ఇచ్చింది. ఆర్ఏఏ ఎన్టీఆర్ (RAA NTR) అనే సంస్థతో తమకు ఎలాంటి సంబంధం లేదని, అలాంటి ప్రచారాలను నమ్మొద్దని కోరింది. నటుడు ప్రస్తుతం సినిమాలపైనే దృష్టి పెట్టి ఉన్నారని స్పష్టం చేసింది.

చెన్నైకు చెందిన ఐటీ ఉద్యోగి సాయిరూప్ నిర్వహిస్తున్న ఈ ఆర్ఏఏ ఎన్టీఆర్ గ్రూప్, ఇటీవల తిరుపతిలోని తాజ్ హోటల్‌లో విలేకరుల సమావేశం ఏర్పాటు చేసింది. ఈ సంస్థ రిజిస్టర్ అయిందని, సేవా కార్యక్రమాలు నిర్వహిస్తున్నామని సాయిరూప్ తెలిపారు. తమకు రాజకీయ ఆశయాలు లేవని, గతంలో టీడీపీ నేత రామ్మోహన్ నాయుడు చేతుల మీదుగా కార్యక్రమాలు నిర్వహించామని, లోక్‌సత్తా నేత జయప్రకాశ్ నారాయణ్ సలహాలు తీసుకున్నామని చెప్పారు.

జూనియర్ ఎన్టీఆర్ ఈ నెల 18న తిరుపతిలో జరిగే ‘ఊరువాడ’ కార్యక్రమంలో పాల్గొననున్నారు. ఈ నేపథ్యంలో ఆయన రాజకీయ ఎంట్రీపై అభిమానుల్లో భిన్నాభిప్రాయాలు వ్యక్తమవుతున్నాయి. కొంతమంది ఆయన త్వరలోనే రాజకీయాల్లోకి వస్తారని ప్రచారం చేస్తుండగా, మరికొందరు దాన్ని ఖండిస్తున్నారు.

మరోవైపు, ఒక రిటైర్డ్ న్యాయమూర్తి మీడియాతో మాట్లాడుతూ, విశ్వసనీయ వర్గాల ద్వారా జూనియర్ ఎన్టీఆర్ రాజకీయ ఎంట్రీ ఖచ్చితమని తెలిసిందని, ఈ సమాచారం ఆయన మామగారి నుంచి రావొచ్చని పేర్కొన్నారు.

జూనియర్ ఎన్టీఆర్ ప్రస్తుతం ‘డ్రాగన్’ సినిమాతో పాటు దర్శకుడు త్రివిక్రమ్‌తో ఓ చిత్రం, బాలీవుడ్ ప్రాజెక్ట్ వంటి పలు చిత్రాలతో బిజీగా ఉన్నారు. ఆయన కార్యాలయం మాత్రం ఈ వదంతులను ఖండిస్తూ, అభిమానులు ఎవరూ ఇలాంటి ప్రచారాలకు లెఖ్కించొద్దని కోరింది.