ఏపీలో SIR గడువు మరో 10 రోజులు పొడగింపు

ఆంధ్రప్రదేశ్‌లో SIR ప్రక్రియను మరో 10 రోజుల పాటు పొడగించింది కేంద్ర ఎన్నికల సంఘం. ఆంధ్రప్రదేశ్‌తో పాటు హర్యాణాలో కూడా 24వ తేదీ వరకు SIR ప్రక్రియను కొనసాగించాలని కేంద్ర ఎన్నికల సంఘం ప్రకటించింది. రాష్ట్రాల ఎన్నికల అధికారులు సమర్పించిన నివేదికలు మరియు వివిధ పార్టీల విజ్ఞప్తుల మేరకు ఈ గడువు పొడగించారు. 24వ తేదీ వరకు BLO లు ఇంటింటికి వెళ్ళి ఎన్యుమరేషన్ పేపర్లు అందజేయడం మరియు సేకరించడం జరుగుతుంది. ఆ తర్వాత డిజిటైజేషన్ ప్రక్రియ, అభ్యంతరాల స్వీకరణ, వాటి పరిష్కారం మరియు తుది ప్రచురణ జరుగుతాయి. ఓటర్లందరూ ఫారాలు నింపి BLO లకు అందజేస్తే తుది జాబితాలో వారి ఓటు నమోదు అయ్యే అవకాశం ఉంది. తెలంగాణలో కూడా ఓటరు సవరణ ప్రక్రియను మరో 10 నుండి 15 రోజుల పాటు పొడగించే అవకాశాలు కనిపిస్తున్నాయి. SIR ప్రక్రియ ఆలస్యంగా జరుగుతున్నందున మరియు BLO లకు సరైన అవగాహన లేకపోవడంతో ఎన్యుమరేషన్ ఫారాలు సేకరించడంలో జాప్యం ఏర్పడుతోంది. ఈ నేపథ్యంలో తెలంగాణలోని పార్టీలు కూడా గడువు పొడగింపు కోసం కేంద్ర ఎన్నికల సంఘానికి విజ్ఞప్తి చేశాయి.