జూబ్లీహిల్స్ సీఐ శ్రీనివాసులు రెడ్డి సస్పెండ్

హైదరాబాద్‌లోని జూబ్లీహిల్స్ పోలీస్ స్టేషన్ సీఐ శ్రీనివాసులు రెడ్డిని సస్పెండ్ చేశారు.

ఫిర్యాదు చేయడానికి వచ్చిన ఒక మహిళను లొంగ తీసుకుని శారీరకంగా వాడుకున్నట్లు విచారణలో నిర్ధారణ కావడంతో పోలీస్ కమిషనర్ సజ్జనార్ ఈ నిర్ణయం తీసుకున్నారు. ఆ మహిళ దగ్గర నుంచి సుమారు 50 లక్షల రూపాయలు వసూలు చేసినట్లు, ఆమెకు గర్భనిరోధక ఇంజెక్షన్ చేయించినట్లు ఆరోపణలు ఉన్నాయి.

గతంలో సూర్యాపేట, కోదాడ, ఎస్సార్ నగర్ ట్రాఫిక్ పోస్టింగ్‌లలో శ్రీనివాసులు రెడ్డిపై అవినీతి, వివాదాల ఆరోపణలు వచ్చాయి. ప్రస్తుత కేసులో సాక్ష్యాలు బలంగా ఉండడంతో ఆయనను సస్పెండ్ చేశారు.

ఇటీవల మలక్‌పేట సీఐ నరసింహను కూడా మహిళతో అక్రమ సంబంధం ఆరోపణలపై సస్పెండ్ చేశారు. వరుసగా ఇద్దరు సీఐలు సస్పెండ్ కావడం పోలీసు శాఖలో చర్చనీయాంశంగా మారింది. ఒక ట్రైనీ ఐపీఎస్ అధికారిపై వేధింపుల ఆరోపణలు కూడా ఇటీవల వెలుగులోకి వచ్చాయి.