షూటింగ్ సమయంలో జూనియర్ ఎన్టీఆర్ భుజానికి గాయం

నటుడు జూనియర్ ఎన్టీఆర్ సోమవారం సాయంత్రం షూటింగ్ సమయంలో భుజానికి గాయమైంది. ఆయన బృందం అధికారికంగా ఈ విషయాన్ని వెల్లడించింది.

వెంటనే ఆయన్ను వైద్యుల పర్యవేక్షణలోకి తీసుకెళ్లినట్లు తెలిపారు. డాక్టర్ జె. మధుసూదన్ రావు, డాక్టర్ ఆర్.ఏ. పూర్ణచంద్ర తేజస్వి నేతృత్వంలో చికిత్స అందిస్తున్నారు. వైద్యులు ఆరు నుంచి ఎనిమిది వారాల పూర్తి విశ్రాంతి సూచించడంతో ప్రస్తుత షూటింగ్ షెడ్యూల్స్ ప్రభావితం కావచ్చు.

ఎన్టీఆర్ ఆరోగ్యంపై ఆందోళన అవసరం లేదని, ఆయన కోలుకుంటున్న స్థితిని ఎప్పటికప్పుడు అధికారికంగా తెలియజేస్తామని బృందం పేర్కొంది. ఇటీవల నందమూరి బాలకృష్ణ కూడా షూటింగ్ సమయంలో స్వల్ప గాయం పాలైన సంగతి తెలిసిందే. సోషల్ మీడియాలో అభిమానులు జూనియర్ ఎన్టీఆర్ త్వరగా కోలుకోవాలని పోస్ట్‌లు పెడుతున్నారు.