నాగర్కర్నూల్ జిల్లా పెంట్లవెల్లి రెవెన్యూ కార్యాలయంలో మంత్రి జూపల్లి కృష్ణారావు ఆకస్మిక తనిఖీ

తెలంగాణ రాష్ట్ర మంత్రి జూపల్లి కృష్ణారావు నాగర్కర్నూల్ జిల్లా పెంట్లవెల్లి మండల రెవెన్యూ కార్యాలయంలో ఆకస్మిక తనిఖీ చేశారు. కార్యాలయంలో టాయిలెట్లు శుభ్రంగా లేవని ఆయన అధికారులపై ఆగ్రహం వ్యక్తం చేశారు. టాయిలెట్లను స్వయంగా శుభ్రం చేసి పారిశుద్ధ్యంపై సిబ్బందికి సూచనలు చేశారు.

మంత్రి పెండింగ్ ఫైళ్లను పరిశీలించారు. భూ సమస్యలకు సంబంధించిన దరఖాస్తులు ఎందుకు పరిష్కారం కాలేదని ప్రశ్నించారు. ప్రజా సమస్యలు వెంటనే పరిష్కరించాలని ఆదేశించారు. ఫైళ్లను పెండింగ్లో ఉంచవద్దని సూచించారు.

MRO కార్యాలయంలో పనుల కోసం డబ్బులు తీసుకుంటున్నారన్న ఆరోపణలపై మంత్రి స్పందించారు. ఎవరు ఏ పనికి ఎంత డబ్బు ఇచ్చారో దరఖాస్తులో రాయాలని కోరారు. ఫిర్యాదులపై విచారణ జరిపి డబ్బులు తిరిగి ఇప్పించేలా చర్యలు తీసుకుంటామని హామీ ఇచ్చారు.