గురు గ్రహం కర్కాటక రాశిలోకి ప్రవేశం: ఈ ఐదు రాశుల వారికి అనుకూల ఫలితాలు

గురు గ్రహం కర్కాటక రాశిలోకి ప్రవేశించింది. కర్కాటకం గురువుకు ఉచ్చరాశి కావడంతో, ఈ సంచారం కొన్ని రాశులకు ప్రత్యేకంగా లాభించే అవకాశం ఉందని జ్యోతిషులు తెలిపారు. అక్టోబర్ 31 వరకు గురువు ఈ రాశిలోనే ఉంటారు.

జ్యోతిష గ్రంథాల ప్రకారం, గురువు రెండు, ఐదు, ఏడు, తొమ్మిది, పదకొండవ స్థానాల్లో సంచరించినప్పుడు ఆయా స్థానాల రాశుల వారికి శుభ ఫలితాలు లభిస్తాయి. ఈ లెక్కన కర్కాటకంలో గురువు ఉండటంతో మిధున, మీన, మకర, వృశ్చిక, కన్యా రాశుల వారికి విశేష ప్రయోజనాలు కలుగుతాయి.

మిధున రాశి నుండి కర్కాటకం రెండో రాశి. గురువు ధనస్థానంలో ఉండటం వల్ల ఆదాయ మార్గాలు పెరగడం, సామాజిక, కుటుంబ గౌరవం పెరగడం వంటి మేలు జరుగుతుంది. మీన రాశి వారికి ఇది ఐదో స్థానం. ఇది పుత్ర స్థానం కావడంతో ఆధ్యాత్మిక ఆసక్తి, గురువుల ఆశీర్వాదం, ఆర్థిక, ఆరోగ్య ప్రయోజనాలు లభించవచ్చు. మకర రాశి వారికి ఇది ఏడో స్థానం. వివాహ అవకాశాలు, దంపతుల అన్యోన్యత, భాగస్వామ్య వ్యాపారాల్లో లాభాలు కలిగే సూచనలు ఉన్నాయి. వృశ్చిక రాశికి తొమ్మిదో స్థానం భాగ్యస్థానం. ఆకస్మిక ధనలాభం, వారసత్వ ఆస్తులు, చేపట్టిన పనుల్లో విజయం కలుగుతాయి. కన్యా రాశికి ఇది 11వ లాభస్థానం. దీని ద్వారా అన్ని రంగాల్లో లాభాలు, ఆర్థికంగా మెరుగైన ఫలితాలు సిద్ధిస్తాయి.

మిగిలిన రాశుల వారికి చిన్నపాటి ఇబ్బందులు ఎదురైతే, గురు సంక్రమణం సందర్భంగా శెనగలు దానం చేయడం, శివాభిషేకం చేయడం, గురుగాయత్రి మంత్ర జపం వంటి పరిహారాలు చేయాలని సూచించారు.