మిథున రాశి ఫలాలు: ఆగస్టు 1-10, 2026 – గ్రహ స్థితులు, పరిహారాలు

జ్యోతిష్య నిపుణుల సూచనల ప్రకారం, మిథున రాశి వారికి 2026 ఆగస్టు 1 నుండి 10 వరకు కొన్ని గ్రహాలు ప్రతికూలంగా, మరికొన్ని అనుకూలంగా ఉండనున్నాయి.

సూర్యుడు రెండో స్థానంలో సంచరిస్తున్నాడు. దీనివల్ల కార్యాలయాల్లో పై అధికారులు, సహోద్యోగులతో మాట్లాడేటప్పుడు జాగ్రత్తగా ఉండాలి. కష్టపడినా గుర్తింపు తక్కువగా ఉండొచ్చు. తండ్రి వైపు బంధువులతో విభేదాలు రావొచ్చు. ఆరోగ్యంలో దంతాలు, చిగుళ్లకు సంబంధించిన సమస్యలు వచ్చే అవకాశం ఉంది. సూర్య ప్రతికూలత తొలగించుకోవడానికి ఆదిత్య హృదయం/ సూర్యాష్టకం పారాయణం, రాగి చెంబు నీళ్ళతో సూర్యార్ఘ్యం, గోధుమలు-బెల్లం ఆవుకు పెట్టడం లేదా దానం చేయడం వంటి పరిహారాలు సూచించారు.

బుధుడు మొదటి 5 రోజులు ప్రతికూలంగా, తర్వాత 5 రోజులు అనుకూలంగా ఉంటాడు. మొదటి రోజుల్లో విద్యార్థులకు ర్యాంకులు రాకపోవడం, నిరుద్యోగులకు ఇంటర్వ్యూలలో ఎంపిక కాకపోవడం, వ్యాపారంలో లాభాలు తగ్గడం జరగవచ్చు. ఈ కాలానికి పరిహారంగా గణపతి ఆలయ దర్శనం, సంకటనాశక గణేశ స్తోత్రం, ‘గం క్షిప్రసాదనాయ నమః’ మంత్రం 21 సార్లు చదవడం, పెసలు-బెల్లం దానం చేయాలని తెలిపారు. ఆగస్టు 6 నుండి బుధుడు అనుకూలించడంతో ఎలాంటి పరిహారాలు అవసరం లేదు.

కుజుడు మొత్తం 10 రోజులు ప్రతికూలంగా ఉంటాడు. మొదటి 2 రోజులు 12వ స్థానంలో సంచరించడం వల్ల అనవసర ఖర్చులు పెరిగి, రహస్య శత్రువులు ఉండొచ్చు. తర్వాత 8 రోజులు జన్మరాశిలోకి వచ్చి కోపాన్ని పెంచుతాడు; లైఫ్ పార్ట్నర్‌తో గొడవలు వచ్చే అవకాశం ఉంది. దీనికి నరసింహ స్వామి/సుబ్రహ్మణ్య స్వామి ఆలయ దర్శనం, సంబంధిత స్తోత్రాలు లేదా ‘ఓం నమో నారసింహాయ’/‘ఓం స్కందాయ నమః’ మంత్రం 21 సార్లు, కందులు-బెల్లం దానం లాంటి పరిహారాలు చేయాలి.

శుక్రుడు నాలుగో స్థానంలో అనుకూలంగా ఉండి నూతన వాహన ప్రాప్తి, టెక్స్‌టైల్/బొటిక్ వ్యాపారాల్లో లాభాలు, భార్యాభర్తల మధ్య అన్యోన్యత, కళారంగంలో అవకాశాలు కల్పిస్తాడు. శుక్రుడికి ఎలాంటి పరిహారాలు అవసరం లేదు.