జూరాల ప్రాజెక్టు 29 గేట్లు ఎత్తివేత; రైతులు ఆనందం

జూరాల ప్రాజెక్టు అధికారులు 29 గేట్లు ఎత్తివేసి కృష్ణానదికి నీరు విడుదల చేశారు. భారీ వర్షాల కారణంగా గేట్లు తెరిచినట్లు వారు తెలిపారు.

ఈ నీటి విడుదలతో మహబూబ్‌నగర్, గద్వాల, నాగర్‌కర్నూల్, వనపర్తి, నారాయణపేట జిల్లాల రైతులు ఆనందం వ్యక్తం చేస్తున్నారు. వరి, పత్తి పంటలకు నీరు అందుతుందని రైతులు హర్షం వ్యక్తం చేశారు.

ప్రాజెక్టు వద్దకు చేరుకున్న పర్యాటకులు, స్థానికులు నీటి ప్రవాహాన్ని చూసి సంతోషిస్తున్నారు. తాజా చేపలు తింటూ, సెల్ఫీలు దిగుతున్నారు. పలువురు కుటుంబంతో వచ్చి ఈ మనోహర దృశ్యాన్ని ఆస్వాదిస్తున్నారు.