కడప విమానాశ్రయంలో గండికోట ఆకృతిలో రెండో టెర్మినల్ నిర్మాణం

కడప విమానాశ్రయంలో రెండో టెర్మినల్ నిర్మాణం జరుగుతోంది. దీని అంచనా వ్యయం ₹266 కోట్లు.

కొత్త టెర్మినల్ డిజైన్ గండికోట కోట ఆకృతిలో రూపొందించారు. ప్రస్తుతం 70% పనులు పూర్తయ్యాయి. డిసెంబర్ లేదా జనవరి-ఫిబ్రవరిలో టెర్మినల్ ప్రారంభించే అవకాశం ఉందని అధికారులు అంచనా వేస్తున్నారు.

గతంలో రన్వే చిన్నగా ఉండేది. దీన్ని ఇప్పుడు 2,515 మీటర్లకు విస్తరించారు. Boeing వంటి పెద్ద విమానాలు దిగడానికి ఇది వీలు కల్పిస్తుంది. రాత్రి టేకాఫ్, ల్యాండింగ్ సౌకర్యం కూడా అందుబాటులోకి వచ్చింది.

ప్రస్తుతం కడప నుంచి చెన్నై, బెంగళూరు, హైదరాబాద్, విజయవాడకు సర్వీసులు ఉన్నాయి. ముంబై, గోవాకు సర్వీసులు విస్తరించాలని ప్రయాణికులు కోరుతున్నారు. కొప్పర్తి పారిశ్రామిక ప్రాంతం, జమలమడుగు స్టీల్ ప్లాంట్ కారణంగా ఎయిర్ కనెక్టివిటీ అవసరం ఉందని విమానాశ్రయ అధికారులు చెబుతున్నారు.