2026 కైలాస యాత్రకు ఇంకా అవకాశం: 15-18 వేల మంది భారతీయులు ప్రయాణించవచ్చు

2026 కైలాస మానస సరోవర్ యాత్రకు ఇంకా చాలా మంది భారతీయ భక్తులకు అవకాశం ఉంది. CIPSC సంస్థ ద్వారా ఇప్పటివరకు కేవలం 50% కోటా మాత్రమే ఉపయోగించారు. FEC కంపెనీ ద్వారా మరో 50% కోటా ఇంకా పెండింగ్‌లో ఉంది. దీని ప్రకారం సుమారు 15,000 నుంచి 18,000 మంది భారతీయులు ఈ సంవత్సరం కైలాస యాత్ర చేయవచ్చు.

ఇప్పటికే మే నెల నుంచి యాత్ర మొదలైంది. జూన్‌లో చాలామంది వెళ్లారు. జూలైలో పర్మిట్లు కొంచెం ఆలస్యం అవుతున్నాయి. ఆగస్టు, సెప్టెంబర్ నెలలు కైలాస యాత్రకు చాలా అనుకూలమైన సమయంగా చెబుతున్నారు.

చైనా అధికారులు గుంపులు గుంపులుగా రాకుండా క్రమపద్ధతిలో నియంత్రిస్తూ మెరుగైన సౌకర్యాలు కల్పించడానికి ప్రయత్నిస్తున్నారు. యాత్రకు వెళ్లాలంటే శారీరక దారుఢ్యం, శ్వాస సమస్యలు లేకపోవడం, ఒరిజినల్ పాస్‌పోర్ట్ తప్పనిసరి.

ఆధ్యాత్మికంగా 2026 అశ్వ సంవత్సరం కావడంతో ఈ సంవత్సరం కైలాస యాత్ర చేస్తే 13 సార్లు చేసినంత ఫలం లభిస్తుందని భక్తులు విశ్వసిస్తున్నారు.