కాకినాడ జిల్లాలో మునిసిపల్ ఎన్నికలకు ఏర్పాట్లు పూర్తి: 321 పోలింగ్ కేంద్రాలు

కాకినాడ జిల్లాలో మునిసిపల్ ఎన్నికల పోలింగ్ ఏర్పాట్లు పూర్తయ్యాయి. జిల్లాలోని నాలుగు మునిసిపాలిటీలు, రెండు నగర పంచాయతీల్లో ఎన్నిక జరగనుంది.

డిస్ట్రిబ్యూషన్ సెంటర్లలో పోలింగ్ సిబ్బందికి మెటీరియల్ అందజేశారు. ఒక్కొక్కరికి కేటాయించిన పోలింగ్ స్టేషన్‌కు వారే వెళ్లి పోలింగ్ ఏర్పాట్లు చేసుకుంటున్నారు.

ఈసారి బ్యాలెట్ పేపర్ పద్ధతిలో ఎన్నిక జరగనుంది. గత సార్వత్రిక ఎన్నికల్లో EVM ల ద్వారా పోలింగ్ జరిగింది. ఆ మార్పుకు అనుగుణంగా ఏర్పాట్లు చేశారు.

జిల్లా వ్యాప్తంగా మొత్తం 191 వార్డులు ఉన్నాయి. 321 పోలింగ్ కేంద్రాలను ఏర్పాటు చేశారు. 2,18,000కు పైగా ఓటర్లు ఉన్నారు. పెద్దాపురం మున్సిపాలిటీలో 32 వార్డులు ఉన్నాయి. పిఠాపురం, సామర్లకోట, తుని మునిసిపాలిటీలు, ఏలేశ్వరం నగర పంచాయతీలోనూ ఎన్నిక జరగనుంది.

ప్రతి పోలింగ్ స్టేషన్ వద్ద రిజర్వ్ స్టాఫ్‌ను అందుబాటులో ఉంచారు. ఏఓ, ఓపీఓ, ఇతర పోలింగ్ అధికారులకు వార్డులను కేటాయించారు. పోలింగ్ ఉదయం 7 గంటల నుంచి సాయంత్రం 5 గంటల వరకు జరుగుతుంది. అవసరమైతే నవంబర్ 2న రీపోలింగ్ నిర్వహిస్తారు.