కాకినాడలో NEET ప్రశ్నాపత్రం లీక్ పై విద్యార్థుల బంద్, మంత్రి రాజీనామా డిమాండ్

NEET ప్రశ్నాపత్రం లీక్ ఆరోపణలపై కాకినాడలో విద్యార్థులు స్వచ్ఛంద బంద్ నిర్వహించారు. పలు ప్రైవేటు సంస్థలు కూడా బంద్‌కు మద్దతు తెలిపినట్లు విద్యార్థులు చెప్పారు.

ప్రశ్నాపత్రాలు అమ్ముడుపోయాయని ఆరోపిస్తూ, 21 మంది విద్యార్థులు ఆత్మహత్యలకు పాల్పడ్డారని వారు తెలిపారు. దీనికి బాధ్యత వహించాలని కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు.

విద్యార్థులు రోడ్డెక్కి నిరసనలు తెలియజేశారు. విద్యార్థి సంఘాలు దేశవ్యాప్తంగా న్యాయం కోసం పోరాటం కొనసాగిస్తామని హెచ్చరించాయి.