కాళేశ్వరం బ్యారేజీల భూగర్భంలో సమస్యలు: జీపీఆర్ పరీక్షలో వెల్లడి

కాళేశ్వరం ప్రాజెక్టులోని బ్యారేజీల భూగర్భంలో సమస్యలు ఉన్నట్లు భూగర్భ పరిశోధన (GPR) పరీక్షలో వెల్లడైంది. మేడిగడ్డ, సుందిళ్ల, అన్నారం బ్యారేజీల వద్ద కొన్ని వెంట్ల కింద అనామలీలు గుర్తించినట్లు పూణేలోని కేంద్ర జల విద్యుత్ పరిశోధన సంస్థ (CWPRS) తయారు చేసిన నివేదిక తెలియజేసింది.

మొత్తం 225 వెంట్లలో 217 వెంట్ల వద్ద జీపీఆర్ పరీక్షలు జరిపారు. మేడిగడ్డ బ్యారేజీలో 7 వెంట్లు, సుందిళ్లలో 3, అన్నారంలో 1 వెంట్ కింద అనామలీలు ఉన్నాయి. అత్యధికంగా మేడిగడ్డలోని ఏడో బ్లాక్ దిగువన సమస్యలు ఎక్కువగా కనిపించాయి. కావిటీస్, పెద్ద బోల్టర్లు, రాక్స్ చిల్లర, పూడిక వంటి సమస్యలు గుర్తించారు.

ఈ నివేదికను సీడబ్ల్యూపీఆర్ఎస్ డైరెక్టర్ సెల్వ బాలన్ రెండు రోజుల క్రితం రాష్ట్ర నీటిపారుదల శాఖకు పంపినట్లు సంబంధిత వర్గాలు తెలిపాయి. బ్యారేజీ దిగువన 30 మీటర్ల లోతు వరకు జీపీఆర్ ద్వారా అధ్యయనం చేశారు. కొన్ని చోట్ల నీటి సిపేజి మార్గాలు, ఖాళీ ప్రదేశాలు ఉన్నట్లు గుర్తించారు. రాప్ట్ కింద శూన్య ప్రాంతం ఉండటం, సిపేజి పైపింగ్ ఏర్పడే అవకాశం ఉన్నట్లు నివేదిక పేర్కొంది.