కామారెడ్డి జిల్లాలో గోదాముల ముందు గ్రామస్తుల నిరసన.. లక్క పురుగులతో ఇబ్బంది

కామారెడ్డి జిల్లా రామారెడ్డి మండలంలోని మోషంపూర్, ఉప్పల్వాయి, పోసానిపేట్, మరకల్, తిరుమనపల్లి గ్రామాల్లో ప్రైవేట్ గోదాముల్లో నిల్వ ఉన్న ధాన్యానికి లక్క పురుగులు పట్టాయి. ఈ పురుగుల వల్ల గ్రామస్తులు తినడానికి, నిద్రపోవడానికి ఇబ్బంది పడుతున్నామని నిరసన వ్యక్తం చేశారు.

స్థానికులు తెలిపిన వివరాల ప్రకారం.. సమత గోదాములు, ఇతర ప్రైవేట్ గోదాములలోని ధాన్యం నుంచి పురుగులు యావత్‌తా వ్యాపించాయి. పక్కనే ఉన్న సాంఘిక సంక్షేమ రెసిడెన్షియల్ హాస్టల్ విద్యార్థులు కూడా భోజనం చేయలేక, నిద్రపోలేక అవస్థ పడుతున్నారని చెప్పారు. గోదాముల యాజమాన్యానికి, సమత శాఖ అధికారులకు ఫిర్యాదు చేసినా స్పందన లేదని గ్రామస్తులు ఆవేదన వ్యక్తం చేశారు.

వెంటనే గోదాములలోని ధాన్యాన్ని తరలించాలని డిమాండ్ చేస్తూ గోదాముల ముందు ధర్నా నిర్వహించారు. సమాచారం అందుకున్న పోలీసులు ఘటనా స్థలానికి చేరుకుని గ్రామస్తులను సముదాయించారు. గోదాముల యాజమాన్యాన్ని తక్షణమే పురుగుల మందు పిచికారీ చేయాలని, ఇబ్బంది లేకుండా చూడాలని ఆదేశించారు.