కర్ణాటక MLC ఎన్నికల్లో క్రాస్ ఓటింగ్: కాంగ్రెస్‌కు 5, బీజేపీకి 2, జేడీఎస్ ఓటమి

కర్ణాటక శాసన మండలి ఎమ్మెల్యే కోటా ఎన్నికల్లో క్రాస్ ఓటింగ్ చోటు చేసుకుంది. ఖాళీగా ఉన్న 7 ఎమ్మెల్సీ స్థానాలకు నిన్న జరిగిన ఎన్నికల్లో కాంగ్రెస్ 5 సీట్లు, బీజేపీ 2 సీట్లు గెలుచుకున్నాయి. జేడీఎస్ తరఫున పోటీ చేసిన ఏకైక అభ్యర్థి ఓటమి పాలయ్యారు.

ప్రతిపక్షాలకు చెందిన 11 మంది ఎమ్మెల్యేలు క్రాస్ ఓటింగ్ చేశారని తెలుస్తోంది. సంఖ్యాబలం ప్రకారం కాంగ్రెస్‌కు 4 సీట్లు వస్తాయని అంచనా ఉండగా, అనూహ్యంగా 5 సీట్లు గెలవడంతో రాజకీయ వర్గాల్లో ఆసక్తి నెలకొంది.

క్రాస్ ఓటింగ్ కారణంగా ఎన్డీఏ కూటమికి ఒక్క సీటు నష్టం కలిగింది. బీజేపీ-జేడీఎస్ కూటమి ఊహించిన స్థాయిలో ఫలితాలు రాకపోయినప్పటికీ బీజేపీకి రెండు సీట్లు దక్కాయి.