జయశంకర్ సార్ విగ్రహాల ప్రతిష్ఠాపనకు బీఆర్ఎస్ ఎమ్మెల్సీ కవిత పిలుపు

ప్రొఫెసర్ జయశంకర్ విగ్రహాలను ట్యాంక్ బండ్‌తో పాటు అన్ని జిల్లాల్లో ప్రతిష్ఠించాలని బీఆర్ఎస్ ఎమ్మెల్సీ కవిత పిలుపునిచ్చారు. ఈ మేరకు తన సంస్థ జాగృతి ద్వారా ఇప్పటికే నాలుగు జిల్లాల్లో విగ్రహాలు ఆవిష్కరించినట్టు ఆమె తెలిపారు.

తెలంగాణ వచ్చిన తర్వాత సామాజిక న్యాయం కోసం పోరాడాలని ప్రొఫెసర్ జయశంకర్ తనకు చెప్పినట్లు కవిత గుర్తు చేసుకున్నారు. ఆయన మాటలను అమ్మ గోరుముద్దలతో సమానంగా భావించానని, ఆయనపై తనకు అంత ప్రేమ ఉందని చెప్పారు.

ఆయన విగ్రహం ఉన్న చోట సామాజిక న్యాయం, స్వేచ్ఛ, వెలుగు వస్తాయని, ప్రతి ఊరిలో ప్రజలే విగ్రహాలు నెలకొల్పాలని కవిత కోరారు. జయశంకర్ సార్ విగ్రహాన్ని హైదరాబాద్‌లోని ట్యాంక్ బండ్‌పై ఏర్పాటు చేసే ప్రయత్నాలు చేయాలని ఆమె ప్రజలకు విజ్ఞప్తి చేశారు.