ప్రొఫెసర్ జయశంకర్ జయంతి సందర్భంగా KCR నివాళి

తెలంగాణ ప్రత్యేక రాష్ట్ర ఉద్యమానికి కృషి చేసిన ప్రొఫెసర్ జయశంకర్ జయంతి సందర్భంగా, బీఆర్ఎస్ అధినేత, మాజీ ముఖ్యమంత్రి కె. చంద్రశేఖర్ రావు నివాళులు అర్పించారు.

ఉద్యమ సమయంలో ప్రొఫెసర్ జయశంకర్ తనకు అందించిన సలహాలు, సహకారాన్ని KCR ఈ సందర్భంగా గుర్తు చేసుకున్నారు.

ప్రొఫెసర్ జయశంకర్ గౌరవార్థం, గతంలో బీఆర్ఎస్ ప్రభుత్వం కొత్తగా ఏర్పాటు చేసిన భూపాలపల్లి జిల్లాకు ఆయన పేరు పెట్టిందని KCR తెలిపారు.

ఈ సందర్భంగా కేసీఆర్ మాట్లాడుతూ, స్వయంపాలన తర్వాత తెలంగాణ అస్తిత్వం మళ్లీ ప్రమాదంలో పడిందని, దానిని రక్షించేందుకు మేధావులు ముందుకు రావాలని పిలుపునిచ్చారు.