నర్సంపేట మాజీ ఎమ్మెల్యే పెద్ది సుదర్శన్ రెడ్డి కుటుంబాన్ని పరామర్శించనున్న కేసీఆర్; కేటీఆర్, హరీష్ రావు సంస్మరణ సభలకు హాజరు

బీఆర్ఎస్ అధినేత కె. చంద్రశేఖర్ రావు (కేసీఆర్) ఈ నెల 9వ తేదీన నర్సంపేట మాజీ ఎమ్మెల్యే దివంగత పెద్ది సుదర్శన్ రెడ్డి కుటుంబాన్ని పరామర్శించనున్నారు. ఆయన వరంగల్ జిల్లా నల్లపెల్లి గ్రామంలోని వారి నివాసానికి వెళ్లి కుటుంబ సభ్యులతో మాట్లాడతారు.

గతంలో పెద్ది సుదర్శన్ రెడ్డి ఆస్పత్రిలో చికిత్స పొందుతుండగా కేసీఆర్ పరామర్శించారు. అయితే ఆయన అంత్యక్రియలకు హాజరు కాలేదు. ఇప్పుడు 9వ తేదీన ఇంటికి వెళ్తున్నారు.

అదే రోజు నిర్వహించే సంస్మరణ సభలో బీఆర్ఎస్ వర్కింగ్ ప్రెసిడెంట్ కేటీఆర్ పాల్గొంటారు. 10వ తేదీన హనుమకొండలో జరిగే మరో సంస్మరణ సభకు మాజీ మంత్రి హరీష్ రావు హాజరవుతారు.

ఈ కార్యక్రమాల ఏర్పాట్లపై తెలంగాణ భవన్లో ఉమ్మడి వరంగల్ జిల్లా బీఆర్ఎస్ నేతలు సమావేశమై సమీక్షించారు. ఈ సభలకు పార్టీ నాయకులు, అభిమానులు పెద్ద సంఖ్యలో వచ్చే అవకాశం ఉందని భావిస్తున్నారు.