కేదార్‌నాథ్‌లో భారీ భక్తుల రద్దీ, 30 కి.మీ ట్రాఫిక్ జామ్‌తో తీవ్ర ఇబ్బందులు

ఉత్తరాఖండ్‌లోని కేదార్‌నాథ్‌కు చార్ధామ్ యాత్రలో భాగంగా పెద్ద సంఖ్యలో భక్తులు చేరుకున్నారు. సెలవులు కావడంతో భక్తుల రద్దీ భారీగా పెరిగింది.

బద్రీనాథ్ యాత్ర మార్గంలో కీలకమైన జోషి మట్టు ప్రాంతంలో వాహనాల రద్దీ పెరిగి, దాదాపు 30 కిలోమీటర్ల మేర ట్రాఫిక్ జామ్ ఏర్పడింది. భీంబలి, లించోలి, జంగల్ చటి వంటి నడక మార్గాల్లో దారి ఇరుకుగా ఉండటంతో రాకపోకలకు తీవ్ర అంతరాయం కలిగింది.

వృద్ధులు, మహిళలు, చిన్న పిల్లలతో ప్రయాణించే భక్తులు ప్రత్యేక ఇబ్బందులు ఎదుర్కొన్నారు. గుర్రాలు, పల్లకీలు, స్థానిక సేవాకార్యకర్తల రాకపోకలు రద్దీని మరింత పెంచాయి. భక్తులు గంటల తరబడి రద్దీలో చిక్కుకుని వేచి ఉండాల్సి వచ్చింది.