శబరిమల ప్రవేశంపై ట్రాన్స్‌జెండర్ పిటిషన్‌కు కేరళ ప్రభుత్వం వ్యతిరేకత

శబరిమల అయ్యప్ప ఆలయంలోకి ప్రవేశించేందుకు అనుమతి కోరుతూ దాఖలైన ట్రాన్స్‌జెండర్ పిటిషన్‌ను కేరళ ప్రభుత్వం కేరళ హైకోర్టులో వ్యతిరేకించింది.

తమిళనాడుకు చెందిన సత్యశ్రీ షర్మిలా రహమతాలీ ఈ మేరకు కేరళ హైకోర్టును ఆశ్రయించారు. నిర్దిష్ట క్రతువులు పూర్తి చేసిన ట్రాన్స్‌జెండర్ వర్గం వ్యక్తులకు శబరిమల అయ్యప్ప ఆలయంలో ప్రవేశం కల్పించాలని ఆమె పిటిషన్‌లో కోరారు.

లింగాన్ని స్పష్టంగా నిర్ధారించే మెడికల్ లేదా అధికారిక ధృవీకరణ పత్రాలు సమర్పించకపోతే ఆలయ ప్రవేశానికి అనుమతించలేమని ప్రభుత్వం హైకోర్టుకు తెలిపింది. ఈ అంశంలో ట్రావెన్‌కోర్ దేవస్థానం బోర్డు అనుసరిస్తున్న విధానాన్ని కూడా ప్రభుత్వం సమర్థించింది.

శబరిమల ఆలయ ప్రవేశానికి సంబంధించిన అంశాలపై సుప్రీంకోర్టు ధర్మాసనం ఇప్పటికే విచారణ జరుపుతోందని ప్రభుత్వం వివరించింది. ఆ విచారణ కొనసాగుతున్న సమయంలో ఈ అంశంపై ప్రత్యేకంగా నిర్ణయం తీసుకోలేమని హైకోర్టుకు స్పష్టం చేసింది.