కేతన్ అగర్వాల్ మృతదేహం నలిగిన తలతో లభ్యం; సియా మౌనం – రెస్క్యూ టీమ్ వివరాలు

కేతన్ అగర్వాల్ మృతదేహం లోగఢ్ వద్ద తల నలిగిన స్థితిలో లభ్యమైందని, ఈ సమయంలో సియా నిశ్శబ్దంగా ఉన్నట్లు రెస్క్యూ టీమ్ బృందం వెల్లడించింది. రెస్క్యూ సిబ్బంది ఈ కేసుకు సంబంధించి వివరాలు పంచుకుంటూ, మృతదేహం ఎంత దెబ్బతిన్నదో వివరించారు. 'మేము లోగఢ్ ప్రాంతానికి చేరుకునేసరికి ఒక వ్యక్తి నేలపై చనిపోయి ఉన్నాడు. అతని తల బాగా నలిగిపోయి, సగం భాగం అణిగిపోయి ఉంది. చేతులు, కాళ్లపై కూడా పెద్ద గాయాలుండడం గమనించాం' అని ఓ సభ్యుడు తెలిపారు. లోనా రూరల్ పోలీస్ స్టేషన్ నుంచి ఉదయం 10:30 గంటలకు కాల్ వచ్చింది. 12:30 గంటలలోపు ఆపరేషన్ పూర్తి చేసి, మృతదేహాన్ని అంబులెన్స్‌కు అప్పగించామని ఆయన వివరించారు. ఈ సందర్భంగా ఘటనా స్థలంలో ఉన్న సియా (కేతన్ సన్నిహితురాలు) ప్రవర్తనపై రెస్క్యూ సిబ్బంది ఆసక్తికర విషయం చెప్పారు. 'మేము మృతదేహాన్ని బయటకు తీసుకొస్తుండగా సియా అక్కడే ఉంది. కానీ ఆమె మౌనంగా, ఏడవకుండా ఉంది. చుట్టూ జనాలు బిగ్గరగా అరుస్తూనే ఉన్నారు, ఆమె మాత్రం పూర్తి ప్రశాంతంగా ఉంది' అని ఆ బృందం వివరించింది. కేతన్ అగర్వాల్ మృతి కేసు దేశవ్యాప్తంగా ఆసక్తి రేపింది. పోలీసులు ఈ కేసును లోతుగా దర్యాప్తు చేస్తున్నారు.