నార్సింగిలో మద్యం మత్తులో కారు ఢీకొని బైక్.. ఎక్స్ ఆర్మీ వ్యక్తి మృతి, నలుగురు అరెస్ట్

హైదరాబాద్ నార్సింగి పోలీస్ స్టేషన్ పరిధిలో శనివారం తెల్లవారుజామున మద్యం మత్తులో కారు ఢీకొన్న ప్రమాదంలో ద్విచక్ర వాహనదారుడు మృతి చెందాడు. ఈ ఘటనలో నలుగురు నిందితులను పోలీసులు అరెస్ట్ చేశారు.

పండుగ సందర్భంగా శంషాబాద్ నుంచి హైదర్ షాకోట్‌లోని అత్తగారి ఇంటికి వచ్చిన దుమ్ము రవీందర్ (ఎక్స్ ఆర్మీ పర్సన్) తన బావమరిదితో కలిసి కారులో టిఫిన్‌కు వెళ్తుండగా ఈ ప్రమాదం జరిగింది. ఎదురుగా వస్తున్న మోటార్‌సైకిల్‌ను కారు ఢీకొట్టింది. ప్రమాదంలో బైక్ నడుపుతున్న రవీందర్ అక్కడికక్కడే మృతి చెందారు. ఘటన తర్వాత కారులో ఉన్న నలుగురు అక్కడి నుంచి పరారయ్యారు.

నార్సింగి పోలీసులు సంఘటన స్థలికి చేరుకుని, సీసీటీవీ ఫుటేజ్ ద్వారా నిందితులను గుర్తించి అదుపులోకి తీసుకున్నారు. వారికి ఆల్కహాల్ టెస్ట్ నిర్వహించగా, కారు నడిపిన వ్యక్తికి 116 mg/dl, కృష్ణ అలియాస్ క్రాంతికి 186 mg/dl, వికాస్ గౌడ్‌కు 90 mg/dl ఆల్కహాల్ ఉన్నట్లు తేలింది.

నిందితులపై మోటార్ వాహన చట్టం సెక్షన్లు 105, 125A, 1847 కింద కేసు నమోదు చేసినట్లు పోలీసులు తెలిపారు. నిందితులను రిమాండ్‌కు తరలించినట్లు వారు పేర్కొన్నారు.