ఖైరతాబాద్ గణేష్ నిమజ్జనానికి భారీ పోలీసు బందోబస్తు సిద్ధం

హైదరాబాద్‌లోని ఖైరతాబాద్ గణేష్ విగ్రహ నిమజ్జనానికి అన్ని ఏర్పాట్లు పూర్తయ్యాయి. చివరి కలశ పూజ ముగిసింది. కొద్ది నిమిషాల్లో విగ్రహం ఖైరతాబాద్ నుంచి బయలుదేరుతుంది.

హైదరాబాద్ సిటీ పోలీసులు భారీ బందోబస్తు ఏర్పాటు చేశారు. ఖైరతాబాద్ డీసీపీ శిల్పావళి నేతృత్వంలో పోలీసు బృందాలు గత 48 గంటలుగా పనిచేస్తున్నాయి. హైడ్రాలిక్ పైపు ఫెయిల్ కావడంతో విగ్రహ కదలిక కొంత ఆలస్యమైంది. పంజాగుట్ట ఏసీపీ మురళీ కృష్ణ సిబ్బంది వెంటనే మరమ్మతు చేశారు.

నిమజ్జనం సమయంలో ఎలాంటి ఘటన జరగకుండా 24 డ్రోన్లు ఏర్పాటు చేశారు. సిటీ సీసీటీవీ నెట్‌వర్క్‌ను కూడా అనుసంధానం చేశారు. పలు ప్రత్యేక పోలీసు బృందాలు, 15 సీసీఎస్ క్రైమ్ టీమ్స్‌ను రంగంలోకి దింపారు. ప్రజలు కూడా శాంతిభద్రతలకు సహకరించాలని పోలీసులు కోరారు.