వందేమాతరం వివాదంపై ఖర్గే: గాంధీ, నెహ్రూ, పటేల్‌పై కేసు పెట్టాలని సవాల్

కాంగ్రెస్ అధ్యక్షుడు మల్లికార్జున్ ఖర్గే తనపై వచ్చిన వందేమాతరం విమర్శలకు స్పందించారు. తాను పాడింది మహాత్మాగాంధీ, జవాహర్‌లాల్ నెహ్రూ, వల్లభాయ్ పటేల్ పాడిన అదే వందేమాతరమని ఆయన స్పష్టం చేశారు. వందేమాతరం పాడటం నేరమైతే గాంధీ, నెహ్రూ, పటేల్‌పై కూడా కేసులు నమోదు చేయాలని ఖర్గే ఎదురుప్రశ్నించారు.

తమ పుట్టకముందే కాంగ్రెస్ ఒక తీర్మానం ద్వారా దేశంలో ఏయే జాతీయ గీతాలను అవలంబించాలో నిర్ణయించిందని, 90 ఏళ్లుగా కొనసాగుతున్న అదే సంప్రదాయాన్ని తాము అనుసరించామని ఆయన తెలిపారు. కేంద్రంలో 18 ఏళ్లు, ముఖ్యమంత్రిగా 12 ఏళ్లు వారు పాడిన అదే గీతాన్ని తాను పాడానన్నారు. వాజ్‌పేయి నేతృత్వంలోని కేంద్ర ప్రభుత్వ కాలంలోనూ అదే గీతం పాడారని గుర్తు చేశారు.

'మీరు చెప్పేదే జాతీయ గీతం అవుతుందా? రేపు మరో ప్రభుత్వం వస్తే అది చెప్పిందే అవుతుందా?' అని ఆయన ప్రశ్నించారు. కేవలం విమర్శల కోసం ఇప్పుడు కొత్తగా రాష్ట్రగీతానికి సంబంధించిన నిర్వచనాలు మార్చొద్దని అన్నారు.

కూటమి సమస్యలపై మాట్లాడుతూ, రాష్ట్ర పార్టీలు ముందుగా నిర్ణయం తీసుకుంటాయని, ఆ తర్వాత అంశాన్ని హైకమాండ్ స్థాయిలో పరిష్కరిస్తామని ఖర్గే వివరించారు.