మచిలీపట్నంలో మృతి చెందిన మత్స్యకారుడి కుటుంబానికి ₹25,000 సాయం అందించిన మంత్రి కొల్లు రవీంద్ర

మచిలీపట్నంలో సముద్రంలో గల్లంతై మృతి చెందిన మత్స్యకారుడు పల్లేటి రాజు కుటుంబాన్ని మంత్రి కొల్లు రవీంద్ర పరామర్శించారు. తాళ్లపాలెం ఫిషర్మెన్ కాలనీకి వెళ్లి కుటుంబానికి రూ.25,000 చెక్కు అందజేశారు.

ప్రభుత్వం తరపున త్వరలో రూ.10 లక్షల ఆర్థిక సహాయం అందిస్తామని మంత్రి హామీ ఇచ్చారు. నివేదికలు అందిన వెంటనే ఈ మొత్తాన్ని మంజూరు చేస్తామని తెలిపారు.

సముద్రంలో బోట్లు, మత్స్యకారులు గల్లంతవడంపై మంత్రి విచారం వ్యక్తం చేశారు. మత్స్యకారులు life jackets వంటి భద్రతా పరికరాలు తప్పనిసరిగా వాడేలా చర్యలు తీసుకుంటామన్నారు. బోట్ల తనిఖీలను పునఃప్రారంభించి అధికారులను అప్రమత్తం చేస్తామని చెప్పారు.