Korean Kanakaraju ట్రైలర్ విడుదల: వరుణ్ తేజ్ డబుల్ రోల్‌తో హారర్ కామెడీ

నటుడు వరుణ్ తేజ్ నటించిన కొత్త చిత్రం ‘కొరియన్ కనకరాజు’ ట్రైలర్ విడుదలైంది. మేర్లపాక గాంధీ దర్శకత్వం వహించిన ఈ సినిమా ఇండో-కొరియన్ హారర్ కామెడీగా రూపొందింది.

ట్రైలర్‌లో వరుణ్ తేజ్ అనంతపురం యువకుడిగా, కొరియన్ మాఫియా డాన్‌గా రెండు భిన్నమైన పాత్రల్లో కనిపించారు. కమెడియన్ సత్య పంచ్ డైలాగ్స్, కామెడీ టైమింగ్ ట్రైలర్‌కు హైలైట్‌గా నిలిచాయి.

యూవీ క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ సంయుక్తంగా నిర్మించిన ఈ చిత్రానికి తమన్ సంగీతం అందించారు. ఇప్పటికే విడుదలైన ‘కంసా మీద రాసా’, ‘గుమ్మడి’ పాటలు ప్రేక్షకులను ఆకట్టుకున్నాయి.

ఆగస్టు 7న థియేటర్లలో విడుదల కానున్న ఈ సినిమా ట్రైలర్‌కు పాజిటివ్ స్పందన లభిస్తోందని చిత్ర యూనిట్ తెలిపింది.