నిర్మల్‌లో రోడ్ల మరమ్మత్తుకు భిక్షం.. వినూత్న నిరసన

నిర్మల్ జిల్లా కుబీర్ మండలంలో రోడ్లు దెబ్బతిని ప్రజలు తీవ్ర ఇబ్బందులు ఎదుర్కొంటున్నారు. ఈ పరిస్థితిపై స్పందించిన సామాజిక కార్యకర్త కొత్తూరు శంకర్ ఒక వినూత్న నిరసనకు దిగారు. ప్రభుత్వం నిధులు లేవని చెప్పడంతో, ఆయన భిక్షాటన చేపట్టారు.

కొత్తూరు శంకర్ మాట్లాడుతూ, ‘గతంలో మాజీ ముఖ్యమంత్రి కేసీఆర్, ఇప్పటి ముఖ్యమంత్రి రేవంత్ రెడ్డి, ఇతర ప్రజాప్రతినిధులు రోడ్ల సమస్యను పట్టించుకోలేదు. ప్రభుత్వం దగ్గర డబ్బు లేదంటే నేనే భిక్షం ఎత్తి డబ్బు తెస్తాను’ అని చెప్పారు.

‘ఈ భిక్షం డబ్బును ప్రభుత్వానికి, స్థానిక అధికారులకు ఇచ్చి రోడ్లు వేయిస్తామని’ ఆయన తెలిపారు. కుబీర్ మండలంలో రోడ్లు తీవ్రంగా దెబ్బతిన్నాయని, చాలా రోజులుగా మరమ్మత్తు జరగలేదని స్థానికులు చెబుతున్నారు.