జోగిపేటలో పసికందును చంపిన తండ్రి అరెస్ట్

సంగారెడ్డి జిల్లా జోగిపేటలో తండ్రి కృష్ణ తన 18 రోజుల శిశువును చంపాడు. భార్యాభర్తల మధ్య గొడవలతో ఈ ఘటన జరిగింది. పోలీసులు నిందితుడిని అరెస్ట్ చేశారు.

కృష్ణ, గౌరీలు ప్రేమ వివాహం చేసుకున్నారు. 18 రోజుల క్రితమే వారికి కొడుకు పుట్టాడు. కొన్ని రోజులుగా ఇద్దరి మధ్య తరచూ గొడవలు జరుగుతున్నాయి. కృష్ణ మద్యానికి బానిసైనట్లు సమాచారం.

నిన్న ఉదయం చికెన్ వండమని కృష్ణ చెప్పగా గౌరీ నిరాకరించింది. దీంతో ఆగ్రహించిన కృష్ణ పక్కనే ఉన్న చిన్నారిని నేలకేసి కొట్టాడు. తీవ్రంగా గాయపడిన శిశువును సంగారెడ్డి ప్రభుత్వ ఆసుపత్రికి తరలిస్తుండగా మృతి చెందింది. మృతదేహం ఆసుపత్రి మార్చరీలో ఉంది.

బాధిత తల్లి గౌరీ ఫిర్యాదు మేరకు పోలీసులు కేసు నమోదు చేశారు. జోగిపేట సీఐ అనిల్ కుమార్ ఈ విషయాన్ని మీడియాకు తెలిపారు. నిందితుడి కృష్ణను అరెస్ట్ చేసి దర్యాప్తు జరుపుతున్నారు.