రైతులకు రూ.1.13 లక్షల కోట్లు ఎగవేత: కేటీఆర్ ఆరోపణ

BRS నాయకుడు కేటీఆర్ రేవంత్ రెడ్డి ప్రభుత్వంపై తీవ్ర ఆరోపణలు చేశారు. రైతు బంధు, రుణమాఫీ, పంట బోనస్ సహా వివిధ పథకాల నిధులు ఎగవేసిందని, రైతులకు రూ.1.13 లక్షల కోట్లు బకాయి పడిందని ఆయన లెక్కలతో సహా విధించారు.

ఈ మేరకు ఆయన వెల్లడించిన వివరాల ప్రకారం, రైతుబంధు కింద రూ.30,000 కోట్లు, కౌలు రైతులకు రూ.22,500 కోట్లు, రుణమాఫీ కింద రూ.29,500 కోట్లు, రైతు కూలీలకు రూ.15,000 కోట్లు, పంటల బోనస్ రూ.16,000 కోట్లు చెల్లించలేదన్నారు. గత మార్చి 22న రైతుబంధును 45 రోజుల్లో పూర్తి చేస్తానన్న ముఖ్యమంత్రి, రెండు ఎకరాలకు మాత్రమే ఇచ్చి వెనక్కి తగ్గారని ఆరోపించారు.

అలాగే, ఒక సెక్రటేరియట్ భవనం వదిలేసి రూ.200 కోట్లతో కొత్త క్యాంపు కార్యాలయం నిర్మించడంతోపాటు రాహుల్ గాంధీకి రూ.1,000 కోట్లు ఇస్తామన్న ప్రకటనలోని వైరుధ్యాలను ఎత్తిచూపారు. రైతు డిక్లరేషన్ అమలుపై తప్పుడు మాటలు మాట్లాడుతున్నారని విమర్శించారు.

కేటీఆర్ ప్రభుత్వానికి బహిరంగ చర్చకు సవాల్ విసిరారు. రైతు సమస్యలు, నిరుద్యోగం లేదా ఇతర అంశాలపై ప్రభుత్వం సూచించిన సమయం, స్థలంలో చర్చకు సిద్ధమని, తన ఆరోపణలను గణాంకాలతో సహా నిరూపించకపోతే రాజకీయాల నుంచి తప్పుకుంటానని ప్రకటించారు. ఈ విషయంపై రాష్ట్ర ప్రభుత్వ స్పందన ఇంకా రాలేదు.