కోదండరాం పేరు చెప్పలేదని సీఎం రేవంత్పై కేటీఆర్ విమర్శ

బీఆర్ఎస్ వర్కింగ్ ప్రెసిడెంట్ కేటీఆర్, తెలంగాణ ముఖ్యమంత్రి రేవంత్ రెడ్డిపై తీవ్ర విమర్శలు చేశారు. తెలంగాణ మేధావులను ప్రస్తావిస్తూ రేవంత్ తన ప్రసంగంలో జయపాల్ రెడ్డి, కేశవరావు పేర్లను మాత్రమే చెప్పారని, ఎంతోమంది బుద్ధిజీవులను విస్మరించారని కేటీఆర్ ఆరోపించారు.

ముఖ్యంగా, తెలంగాణ ఉద్యమంలో కీలకమైన పాత్ర పోషించిన ప్రొఫెసర్ కోదండరాం పేరు కూడా చెప్పలేదని నిలదీశారు. 'కోదండరాం మీతోనే ఉన్నాడు కదా, ఆయన పేరు ఎందుకు చెప్పలేదు? తెలంగాణ గొప్పతనాన్ని గుర్తించే సంస్కారం లేకపోతే మీరు సీఎంగా ఎలా ఉంటారు?' అని వ్యాఖ్యానించారు కేటీఆర్. ఈ వ్యాఖ్యలపై ముఖ్యమంత్రి కార్యాలయం నుంచి ఎలాంటి స్పందన లేదు.