హైదరాబాద్‌కే పరిమితం కాకుండా గ్రామీణ ప్రాంతాల్లోనూ IT కంపెనీలు రావాలి: KTR

IT కంపెనీలు హైదరాబాద్‌కే పరిమితం కాకుండా గ్రామీణ ప్రాంతాల్లోనూ ఏర్పాటు కావాలని BRS వర్కింగ్ ప్రెసిడెంట్ KTR అన్నారు. హైదరాబాద్ నానక్రాంగూడలో జరిగిన కార్యక్రమంలో ఆయన Campus Hub AI ప్రొడక్ట్‌ను ప్రారంభించారు.

చిన్న పట్టణాలకూ IT రంగం వెళ్లొచ్చని KTR చెప్పారు. పరకాల, బెల్లంపల్లి, కరీంనగర్ వంటి ప్రాంతాల్లో కూడా IT కంపెనీలు పని చేయగలవని ఆయన అన్నారు. దీనికి పెద్ద IT హబ్‌లు తప్పనిసరి కాదని ఆయన అభిప్రాయపడ్డారు.

మారుతున్న టెక్నాలజీకి అనుగుణంగా యువత ముందుకు సాగాలని KTR కోరారు. గొప్పగా ఆలోచించాలని, చిన్నగా ఆలోచించకూడదని ఆయన చెప్పారు. కన్జర్వేటివ్ మైండ్‌సెట్‌తో ఉండకూడదని సూచించారు. ఎదురుదెబ్బలు తగలడం సహజమని, సరిగ్గా ప్లాన్ చేస్తే ముందుకు వెళ్లవచ్చని అన్నారు.

రెండేళ్ల తర్వాత BRS అధికారంలోకి వస్తుందని KTR వ్యాఖ్యానించారు. అప్పుడు అన్ని ప్రభుత్వ శాఖలకు AI టెక్నాలజీని అనుసంధానం చేస్తామని చెప్పారు. AI పని చేసే విధానాన్ని, ఆలోచనా విధానాన్ని మార్చనుందని ఆయన పేర్కొన్నారు.