బోనాల సందర్భంగా ఉజ్జయిని మహంకాళి ఆలయాన్ని సందర్శించిన కేటీఆర్

బీఆర్ఎస్ వర్కింగ్ ప్రెసిడెంట్ కేటీఆర్ నేడు సికింద్రాబాద్‌లోని ఉజ్జయిని మహంకాళి ఆలయాన్ని లష్కర్ బోనాల సందర్భంగా సందర్శించారు. రాష్ట్రంలో వర్షాలు బాగా పడాలని, రైతులు సంతోషంగా ఉండాలని, శాంతి భద్రతలు సరిగా ఉండాలని అమ్మవారిని కోరినట్లు ఆయన తెలిపారు.

బోనాలను రాష్ట్ర పండుగగా గుర్తించాలని 50 సంవత్సరాలుగా డిమాండ్ ఉన్నా, ఏ ప్రభుత్వం పట్టించుకోలేదని కేటీఆర్ అన్నారు. కేసీఆర్ నాయకత్వంలోని బీఆర్ఎస్ ప్రభుత్వం బోనాలను రాష్ట్ర పండుగగా ప్రకటించిందని, ప్రభుత్వం తరఫున బంగారు బోనం సమర్పించిందని వివరించారు.

యాదాద్రి లక్ష్మీ నరసింహ స్వామి ఆలయ నిర్మాణానికి రాష్ట్ర బడ్జెట్ నుంచి రూ.1,800 కోట్లు కేటాయించినట్లు ఆయన గుర్తుచేశారు. ఈ కార్యక్రమాన్ని కేసీఆర్ ప్రభుత్వం చేపట్టిందని చెప్పారు.