హైదరాబాద్‌లో లక్ష ఇందిరమ్మ ఇళ్ల నిర్మాణం : మంత్రి పొన్నం ప్రభాకర్ ప్రకటన

హైదరాబాద్‌లో లక్ష ఇందిరమ్మ ఇళ్లు నిర్మించనున్నట్లు రాష్ట్ర రవాణా శాఖ మంత్రి పొన్నం ప్రభాకర్ ప్రకటించారు. హైదరాబాద్ కలెక్టరేట్‌లో నాంపల్లి, చంద్రాయణగుట్ట జంగిమెంట్ నివాసులకు ఆయన ఇళ్ల పట్టాలు పంపిణీ చేశారు.

ఈ సందర్భంగా మంత్రి మాట్లాడుతూ, అర్హులైన వారికి 48 గంటల్లోనే రేషన్ కార్డు అందిస్తామన్నారు. కొత్తగా 2 లక్షల పించన్లను మంజూరు చేస్తున్నట్లు వెల్లడించారు. ఎన్నికలు లేక ఇతర రాజకీయ కారణాలతో కాకుండా, అర్హత ఉన్న ప్రతి ఒక్కరికీ రేషన్ కార్డు ఇవ్వడం ప్రభుత్వ బాధ్యత అని ఆయన పేర్కొన్నారు.

గ్రామీణ ప్రాంతాల్లో నియోజకవర్గానికి మొదటి విడతలో 3,500 ఇళ్లు, రెండో విడతలో మరో 2,000 ఇళ్ల చొప్పున ఇందిరమ్మ ఇళ్లను నిర్మిస్తున్నామని మంత్రి తెలిపారు. 12,000 గ్రామాల్లో ప్రతి ఊరిలో ఇందిరమ్మ ఇల్లు నిర్మించామని, ఇది పేదల సొంతింటి కలను నెరవేర్చే ప్రయత్నమని ఆయన అన్నారు.