లలితా దేవి, భండాసురుడి కథ: బ్రహ్మాండ పురాణం వివరాలు

బ్రహ్మాండ పురాణం ప్రకారం, లలితా దేవి చిదగ్ని కుండం (జ్ఞానాగ్ని గుండం) నుండి ఆవిర్భవించారు. ఆమె చేతిలో అంకుశం, పాశం ఉన్నాయి. అనుచర దేవతా గణాలు కూడా అదే కుండం నుండి ఉద్భవించాయి.

లలితా దేవి మేధోశక్తి నుండి శ్యామలా మహాదేవి ఆవిర్భవించి మంత్రిగా, ‘నేను’ అనే ప్రజ్ఞ నుండి వారాహి సైన్యాధిపతిగా ఏర్పడ్డారు. అనంతరం లలితా దేవి తన అనుచర గణాలతో కలిసి భండాసురుడు అనే రాక్షసుడిపై యుద్ధం చేసి అతన్ని సంహరించింది.

ఈ కథలోని అంతరార్థం ఏమిటంటే, భండాసురుడు మనిషిలోని తమోగుణాన్ని, అహంకారాన్ని సూచిస్తాడు. జ్ఞానం అనే అగ్నిని ప్రజ్వలింపజేస్తే దుర్గుణాలు తొలగిపోతాయని ఈ కథ ద్వారా చెప్పబడింది. ఈ సందర్భంగా ‘ఓం చిదగ్నికుండ సంభూతాయే నమః’ అనే మంత్రాన్ని జపించడం వల్ల అమ్మవారి అనుగ్రహం లభిస్తుందని భక్తుల విశ్వాసం.