తిరుపతిలో గ్రాండ్ వరల్డ్ రోడ్‌లో చిరుత సంచారం; ప్రజలకు అప్రమత్త హెచ్చరిక

తిరుపతిలోని గ్రాండ్ వరల్డ్ రోడ్‌లో పగటిపూట చిరుత సంచారం కనిపించింది. నీటి కోసం వచ్చిన చిరుత ఇళ్ల సమీపంలో తిరగడంతో స్థానికులు భయాందోళనకు గురయ్యారు.

వెంటనే అటవీశాఖ అధికారులకు సమాచారం అందించారు. అధికారులు అక్కడికి చేరుకుని పరిసరాలను పరిశీలించారు. రాత్రి వేళలో ఒంటరిగా బయట తిరగవద్దని, అప్రమత్తంగా ఉండాలని స్థానికులకు సూచించారు.

గతంలోనూ ఇదే ప్రాంతంలో చిరుతలు సంచరించడం, కుక్కలపై దాడి చేసిన ఘటనలు జరిగాయి. గ్రాండ్ వరల్డ్ రోడ్ శేషాచలం అడవికి దగ్గరగా ఉండడంతో వన్యప్రాణులు తరచూ ఈ ప్రాంతానికి వస్తుంటాయి. అధికారులు ట్రాప్ కెమెరాలను పరిశీలించి, చిరుతను పట్టుకునేందుకు చర్యలు తీసుకుంటామని తెలిపారు.