సమోసాల కోసం లోకో పైలట్ ట్రైన్ ఆపాడంటూ వీడియో వైరల్; రైల్వే అధికారులు దర్యాప్తు

ఒక సోషల్ మీడియా వీడియోలో ఒక గూడ్స్ ట్రైన్ లోకో పైలట్ సమోసాలు కొనడానికి ట్రైన్ ఆపినట్టు కనిపిస్తోంది. ఈ వీడియో సోషల్ మీడియాలో వైరల్ అయ్యింది.

ఈ వీడియోపై రైల్వే డివిజన్ అధికారి స్పందించారు. సోషల్ మీడియా ద్వారా తమకు సమాచారం వచ్చిందని, అయితే దీని నిజానిజాలు నిర్ధారించలేదని చెప్పారు. వీడియోను సీనియర్ అధికారులకు పంపించామని, లోకేషన్, డ్రైవర్ వివరాలు, ట్రైన్ నెంబర్ తదితర విషయాలపై దర్యాప్తు జరుగుతోందని తెలిపారు.

వీడియోలోని గూడ్స్ ట్రైన్ తమ డివిజన్‌కు చెందినదిగా గుర్తించామని అధికారి చెప్పారు. దర్యాప్తులో లోకో పైలట్ తప్పు జరిగినట్టు తేలితే సంబంధిత ఉద్యోగిపై క్రమశిక్షణ చర్యలు తీసుకుంటామని హెచ్చరించారు.