మహబూబాబాద్ జిల్లాలో గురుకుల విద్యార్థులు సమస్యలపై ఆందోళన

మహబూబాబాద్ జిల్లా కొత్తగూడ మండలంలోని గాంధీనగర్ సోషల్ వెల్ఫేర్ గిరిజన బాలికల గురుకుల పాఠశాల విద్యార్థులు సోమవారం ఆందోళన చేపట్టారు.

పాఠశాల ప్రారంభమై నెల రోజులు గడుస్తున్నా తాగునీరు, మరుగుదొడ్లలో నీరు లేదని, బాత్రూమ్లు రిపేర్ కాలేదని వారు పేర్కొన్నారు. ప్రిన్సిపల్‌కు ఎన్నిసార్లు చెప్పినా పట్టించుకోవడం లేదని, బాత్రూమ్‌ల రిపేరింగ్ కోసం తలపై ₹10 చెల్లించాలని చెప్పారని విద్యార్థులు ఆరోపించారు.

ఆహార నాణ్యత లోపించడం, దోమల వల్ల అలర్జీలు వంటి సమస్యలు కూడా ఎదురవుతున్నాయని వారు వాపోయారు. సిబ్బంది విద్యార్థులపై ఆగ్రహం వ్యక్తం చేస్తున్నారని, బెదిరింపులు పాల్పడుతున్నారని తెలిపారు.

ఈ ఘటనపై స్పందించిన పోలీసులు సంఘటనా స్థలానికి చేరుకుని సమస్యల పరిష్కారానికి హామీ ఇచ్చినట్లు సమాచారం. ఈ పాఠశాల రాష్ట్ర మంత్రి సీతక్క నియోజకవర్గ పరిధిలో ఉంది.