లష్కర బోనాల్లో మహేష్ గౌడ్: అమ్మవారి దయతో వర్షాలు సమృద్ధిగా పడ్డాయి

లష్కర బోనాల ఉత్సవంలో పాల్గొన్న కాంగ్రెస్ నేత మహేష్ కుమార్ గౌడ్ సందర్భంగా మాట్లాడుతూ రాష్ట్రంలో ఈ ఏడాది వర్షాలు సమృద్ధిగా కురిశాయని చెప్పారు. అమ్మవారి దయ వల్ల చెరువులు, కుంటలు, నదులు నిండాయని ఆయన పేర్కొన్నారు.

బోనాల ఏర్పాట్ల విషయంలో ముఖ్యమంత్రి రేవంత్ రెడ్డి ప్రత్యేక శ్రద్ధ వహించారని, భక్తులకు ఎలాంటి ఇబ్బంది లేకుండా మూడు క్యూ లైన్లు ఏర్పాటు చేసినట్లు తెలిపారు. మీడియా బృందాలకు ధన్యవాదాలు చెప్తూ, వారి ప్రచారం వల్లే దేశవ్యాప్తంగా బోనాల ఉత్సవం గురించి తెలుస్తోందని పేర్కొన్నారు.

అమ్మవారిని ప్రార్థిస్తూ రాష్ట్రం సస్యశ్యామలంగా ఉండాలని, రైతులు సంతోషంగా ఉండాలని, సంక్షేమ పథకాలు ప్రజలకు చేరాలని ఆశీర్వదించాలని కోరినట్లు మహేష్ గౌడ్ తెలిపారు.

ఈ సందర్భంగా ఆయనతో పాటు సీనియర్ ఎమ్మెల్యే దానం నాగేందర్, శ్రీనివాస్ యాదవ్, మెట్టు సాయి తదితరులు పాల్గొన్నారు.