పవన్ కల్యాణ్ రాకతో నిరాశే ఎదురవుతుందని కాంగ్రెస్ నేత మహేశ్ కుమార్ గౌడ్ వ్యాఖ్య

కాంగ్రెస్ నేత మహేశ్ కుమార్ గౌడ్ పవన్ కల్యాణ్, బీజేపీలపై విమర్శలు చేశారు. బీజేపీకి ఓట్లు అడిగేందుకు చెప్పుకోవడానికి విద్య, ఉద్యోగాల రంగంలో ఎలాంటి విజయాలు లేవని ఆయన అన్నారు.

తెలంగాణలో కాంగ్రెస్ ప్రభుత్వం ప్రజలకు ఇచ్చిన హామీలను నెరవేరుస్తోందని ఆయన పేర్కొన్నారు. 200 యూనిట్ల లోపు ఉచిత విద్యుత్, రేషన్ కార్డులు, పేదలకు ఇళ్లు వంటి పథకాలు అమలవుతున్నాయని చెప్పారు. గ్లోబల్ సమిట్ ద్వారా పెట్టుబడులు, ఉద్యోగాలు వస్తున్నాయన్నారు.

పవన్ కల్యాణ్ ఇక్కడ రాజకీయంగా ఏదైనా చేయాలనుకుంటే నిరాశే మిగులుతుందని హెచ్చరించారు. తెలంగాణ ప్రజలు కాంగ్రెస్ పాలనతో సంతృప్తిగా ఉన్నారని, కాబట్టి ఇతర పార్టీలకు అవకాశం లేదని వ్యాఖ్యానించారు.